Friday, June 29, 2007

كلمات مبلبلة عن بابل

فلما الرب بلبل كلام العالم، داخل البرج العملاق الذي اسمه من الان برج بابل، لف الناس حول أنفسهم ودماغهم ضربت وطاشوا ماطاشوا وصاروا لا يعرفون ويتش ايز ويتش ولماذا السريلانكي يتكلم السريلانكية والفنزويلي الفنزويلية اما المغربي فلا يتكلم الا المغربية

أما الحب. يا عيني عالحب. يا روحي عالحب. يا لهوي عالحب. الحب يغيرنا. الحب يعدل البشرية، يسير بها باتجاه خطوتها المستحقة، الدمار التام، تشوه الملامح. الحب بصقة جميلة على الوجه، الحب تعويرة وش فيها معلش، لانها تعويرة جميلة وعلقة وكلبة كما ينبغي ان تكون

ونائل المسكين، نائل الغلبان، رحل يبحث عن زميل طفولة كان يشبهه في الطفولة اما في ما بعد الطفولة فلا يعرف ان ظل يشبهه ام لا، نائل مسكين وغلبان نائل ، يا حرام. اذرفوا دموعا كثيرة لاجله والنبي

ولما الرب رمى صباعه العملاق على الارض فتكونت انهار واودية وجبال ومحيطات عرف الناس اختراع البصمة، صارت للاصابع بصمتها الخاصة، وللادباء بصمتهم الخاصة، اما ابن الانسان فلا يجد بصمته الا على وجه محبوبه. صار تشابه وجوه وصار اختلاف وجوه

والرب حين حكم بأن يكون الناس أجمعون من دكر واحد ونتاية واحدة حكم على البشرية ان تكون كلها بنتا لزنا الاخ باخته. لهذا الزنا سلام مربع وتحية، هذا الزنا الذي هو ابو الناس جميعا. امنحوا قليلا من الاحترام له يا ابناءه ويا بناته. اتكلموا عنه كويس ولا تضعوا رجلا على رجل امامه، فهو ابوكم وامكم وانور وجديكم

ولما تأخرت القواميس في الظهور، لما تباطأت شوية صغيرة، لما سارت الهوينى، خطوة قدام وخطوة ورا، صار الناس لا يعرفون كيف يكلمون بعضهم. تشقق البناء العملاق، الارض والبرج والبشرية التي هي ابنة نكاح المحارم. بسبب ماذا هذا يا ترى؟ بسبب عدم حماس دار النشر. ياله من سبب بالحريم أليق وياله من دمار راجل ابن ستين راج
ل



مقاطع غير منطقية الترتيب عن "بابل مفتاح العالم" ومنها، وفي انتظارها. رواية عن الحب والغيرة واللغة. عن البصمات والاخوة ونائل ومراد وسمية. رواية عن تشابه الوجوه

12 comments:

fawest said...

بسرعة فبن مكان مناقشتهاومتى لانى
اريد قرأتها قبل اى احد


موضوع بابل يهمنى من ذاوية ادبية طبعل

Lemonada said...

جميل جدا يا نائل
مع انها اجزاء مش مترتبة
بس تخليك عاوز تدور على الروايةوتقرائها
هي دي بس في مصر؟!؟
مش ممكن الاقيها في اي مكان ثاني
همممم
قولي اماكن التوزيع وخلاص
تحياتي لقلمك المميز

rokaaa said...

لا حول ولا قوة الا بالله العلى العظيم
انت متأكد انك مسلم؟
انا مش معترض على فنك انت ممكن تكون فنان كويس وناجح بس مالكش دعوه بالخلق والخالق وربنا ممشى الكون ازاى
ربنا سبحانه وتعالى قدرى بخلقه
وده شئ لا يعنيك تماما
ابقى اقرى القراءن كويس
ربنا يهديك

أحد الآخرين said...

الواد روكا دا طالع عاقل لمين؟

مسخرة هو

عباس العبد said...

صورك حزاينى ليه يا نائل المرة دة
مفيش لا موزز و لا قطط و لا كيكى كيكى كيكو
فين الرواية يا عم زهقتنا

nael said...

فاوست
عيني اول ما تطلع هقول طبعا. هي هتطلع في ميريت خلال ايام ان شاء الله بس مش عارف مناقشتها بقى هتبقى امتى
موضوع بابل مثير دوما

ليمونادة
اممممممممممم. مؤقتا هي بس في مصر، طبعا الى ان تصدر طبعة دار بنجوين الانجليزية واكت سود الفرنسية. هههههههههههههه. اماكن التوزيع اول ما تصدر هيبقى في ميريت. معنديش معلومات غير دي. نورتيني بزيارتك طبعا

روكا
انت ممكن تكون فنان كويس وناجح -
الله يخليك -
مالكش دعوه بالخلق والخالق -
حاضر -
ربنا سبحانه وتعالى قدرى بخلقه -
أدرى بالهمزة مش بالقاف -
ابقى اقرى القراءن كويس -
عينيا -
ربنا يهديك -
الله يخليك -


عباس
الرواية على مسيرة ايام قليلات ان شاء الله. المزز المرة الجاية. المرة دي حبيت شوية الفت النظر ان لينا اخوات في اماكن مختلفة من العالم. اخوات مانعرفش عنهم حاجة واماكن منعرفش عنها حاجة، اخوات غلابة زينا

محمد صلاح العزب said...

مبروك يا أستاذ نائل الطوخي
وعقبال الأعمال الكاملة
أنا فعلا معجب بمدونتك، ومعظم تدويناتك
ويارب بابل تلاقي نفس نجاح ليلى أنطون وأكثر
انت كاتب كويس يا نائل
وده بيخليني أراهن عليك
بس ياريت ما تحرجنيش مع اصحابي
خليك دايما عند حسن ظني علشان أتبسط منك
وبالتوفيق إن شاء الله

fawest said...

حرام عليك بجد حلاو ة و جمال الصور
منين الصور دى و ازاى بتحطةا فى المدونة

nael said...

ياريت فعلا يا استاذ محمد صلاح العزب نكون عند حسن ظنك ولو ان دا شيء صعب جدا، نظرا لان كلنا بنحب القمر لكن القمر يا عين امه بيحب مين؟ هكذا صاغ محمد عبد الوهاب تساؤله الوجودي ذات يوم ولم يلق عليه إجابة بعد
وهكذا نحاول نحن الدائرون في فلكك وافلاكك ان نقترب اكثر ولكن كما قيل يوما فلو اقتربنا لاحترقنا، نحن المخلوقون من طينة غير طينتكم ومن دم غير دمكم، نحن ابناء البشر الخطاؤون المسرفون الآبقون واها واها
انت زعلان م الازهر ليه بقى؟

فاوست
حلوة الصور دي بجد؟ طيب الحمد لله. انت بتحطها من خيار لايأوت . اما هي منين فهي من مواقع للفوتوغرافيا ومن مصورين اصدقاء في نفس الوقت، يعني ميكس كدا

تحياتي وشكرا لك فعلا على زيارتك

sherifmegid.blogspot.com said...

نائل غسلت سنانك النهارده برافو عليك وعشان انت بتحب الفوتوغرافيا انا عازمك يوم 16-7 انك تحضر معرضي العالمي في قاعه النهراللي اسمه حيطان بعيد عنك الافتتاح الساعه 6.30 مساءواعزم كل اصحابك اي حد بيحب الفوتوغرافيا اصل الدخول مجانا واقبل ما امشي مبروك علي الروايه الجديده مع اني لسه ما قريتهاش صديقي نائل اتمني لك التوفيق وطبعا لو ما جتش مش هتكون عند حسن ظني انا كمان

تامر said...

إنه نائل، الذي يعرف كيف ينال من المعاني بأن ينول مايبغي من الكلمات والتراكيب

ـ( حبة فذ- ز - ـلكة )ـ

مبروك يا جميل، وعقبال اللي بعدها واللي بعد اللي بعدها

تحياتي

bocycat said...

هى فعلا مقاطع غير منطقية الترتيب بس اعتقد انها هتكون جميلة لو على بعضها وربنا يسهل ونشوف ايه حكاية الكتاب ده انا اول مرة ادخل هنا مدونة ظريفة .. تحياتى