Thursday, May 25, 2006

هجرة مصرية


معظم الناس, ان لم يكن كلهم, عاوزين يهاجروا, و بالتأكيد انهم عاوزين يهاجروا من مصر, لان معظم اللي اعرفهم طبعا عايشين ف مصر, بما انهم مصريين يعني, و بما اني مصري كمان, ما علينا, المهم, ان كلهم عاوزين يهاجروا من مصر. بينما انا العكس, لا لا يا اخي.. مش ان عاوز افضل ف البلد دي علشان نيلها و ماذنها و شوارعها.. انا عارفك رومانسي و ممكن تقول كدا.. الحقيقة اني انا عاوز مصر هي اللي تهاجر مني.. يعني, عاوز الاتي: بت يا مصر, اطلعي برة البلد دي زهقتينا. روحي اعملي لنا كوباية شاي و مترجعيش تاني. كتك داهية ف شكلك العفش. او , باسلوب اكثر تهذيبا, مدام مصر. مش كدا؟ احم, سعدت جدا بالتعرف على حضرتك, بسمع عن حضرتك من زمان والله يا افندم, ليه متعرفتش عليكي وقتها, مشاغل والله, ماكانش فيه وقت, حضرتك عارفة بقى, الدنيا تلاهي, هئ هئ هئ. بعد اذنك يعني, ممكن اطلب من حضرتك, لو ممكن يعني, اذا مفيهاش اساءة ادب, بس تغادري البلد شوية كدا بس, لاني يعني, كنت حابب ادخن سيجارة و مش حابب ازعج حضرتك يعني, هئ هئ هئ
لا يا اخواتي , مش هقعد لوحدي في البلد بعد خروج مصر بنيلها و شعبها و اغانيها و شوارعها و مدنها العبيطة, انا اقل انانية من هذا, انا هعزم اصحابي, اللي مش مصريين المرة دي, من كل قارات العالم, و اللي هيكونوا طردوا بلادهم هما كمان طبعا, حسب اتفاقنا يعني, و نسهر ليلة في افريقيا, ليلة في امريكا الجنوبية, ليلة ناخد غطس في الاطلنطي, ليلة نعمل دولة, و نأسس حضارة ساعة مغربية, نعمل ديكتاتورية, استعمار, نزرع عنصرية في كل مكان, و مفيش مانع كمان من كام ميل تقدمي, يعني حبة حرية على حبة مساواة على حبة اشتراكية على شوية تسامح مع الاخر, بس الأهم من كل حاجة, نخترع لنا ركن صغير كدا, ممكن بعد ما نعمل العمايل دي كلها, نسهر كل ليلة نشرب فيه. ياااااااااه. اطلعي برة بقى و النبي يا اختي

13 comments:

احمد فوزى said...

ازيك كده وازيك

Anonymous said...

ليس الوطن ما تسكنه
ان الوطن مايسكنك



...الشيماء
..مبروك البلوج ياريس

نعناعة said...

طب لو ردت عليك وقالتلك .. لا مش طالعه البيت بيت ابونا مش ابوكو هاتعمل ايه
اقولك بدل ما تطردها وتوجع دماغك تكلمها بالادب ولا بقلته انت تعتقلهها وترميها فى معتقل من معتقالاتهاو تعينلك عليها اتنين تلاته حرس من الى قلبك يحبهم ساعتها بقى لا هايهمك من كلامها ولا من شكوتها ليك مطرح ما اطردت

أنا said...

على الرغم من صعوبة المحكية المصرية إلا أن من الممكن التعاطي مع هكذا كتابة من خلال الجذر اللغوي الواحد للمحكيات العربية كلها. يا أخي أنا لا أفهم لماذ أولا تسود المحكية على الفصيحة، وثانيا لماذا هذا التجني على قيمة الوطن، خصوصا حينما يكون هذا الوطن هو مصر، التي قد تكون لدينا عليها ملاحظات خاصة من سبتمبر 1970، ولكنها تبقى مركزا وأملا وثقلا حقيقيا في المنطقة كلها. يا أخي والله أنا لن أغفر لك إلا إذا كنت ساخرا هازلا لا جادا.
وتحياتي لكل المصريين وشكرا لك أن منحتني فرصة أرنو فيها إلى خريطة جمهورية مصر العربية

nael said...

احمد فوزي
انت اخبارك ايه يا معلم.. كويس.. شرفتنا يا خويا والله.. هروح اكلمك حالا

nael said...

الشيماء
بذمتك مش جوانا زحمة جدا , عقد و مشاكل وبلاوي, ناقصين كمان وطن يسكن من غير ما يدفع الايجار!؟

nael said...

نعناعة
والله فكرة, بس هتكلفي وجبة يوميا و انا بصراحة مش لاقي اوكل نفسي. خلينا نفكر ف حل تاني

nael said...

العزيز انا
طبعا بهزر, يعني بمزح, يا صديقي, الحقيقة اني مفكرتش في فكرة الوطن بجد ابدا, دايما كان تفكيري فيه مرتبط بسخريتي من الاغاني اللي بتحضنا على حبه ليل نهار, بس سيبك انت, انت شرفت بلوجي المتواضع و شكرا للمرور
نائل

محمد ياسر said...

قلب الوطن مجروح لا يحتمل اكتر نهرب وفين هنروح لما الهموم تكتر

يا سيدى بدل ما نطردها ايه رأيك نربيها ونعلمها

بوست جميل

nael said...

العزيز م. ياسر
مش عاوز ابقى متشاءم و اقول مفيش فايدة
لكن اللي انا متأكد منه ان عالم بلا اوطان اجمل كثيرا
حبيبي. شرفتني زيارتك كثيرا
نائل

Anonymous said...

Wonderful and informative web site.I used information from that site its great.
advance cash get payday texas holdem kicker card free webhosting free webhostfree asp hosting free cgi cd burner software credit score cancun excellence resort secret mortgage letter hardship waiver forex order vicodin addressing bulk email incorporate new jersey pda palm low cost domain name registration

Anonymous said...

dear all, el7al wlamsal howa:
TAHGIER ELSHE3B BAKMELOH LEL5ARG LELESTFADA MN KODRATEH ELTO7FA, WE TA2GEER ELBLD KANOON GDEED 3ASHAN BRDO YB2A GANA MN WARAHA 7AGA, WEYA7ABZA LAW N2GARHA LEDAWLA T5ODHA M2AWALA, WE YOFADL LESH3'L ZAK ELMOWKE3 DAOLAT AMRICA ELKAOWNYA ELSHAKIEKA.
wadomtom salimien

Hend said...

بالظبط كدا