Friday, February 13, 2009

ba7bk

هو يسير بجانب هي. هي تضع إم بي ثري، وتدندن معه، ولكن هذا لا يمنعها من تبادل الكلام معه، كلمات قليلة، ولكنها معبرة، مليئة بالحنية والدلع والقلق، كل منهما يخاف على الآخر

هو: (ينتهز فرصة الدلع) ممكن اقولك حاجة؟

هي: (تومئ برأسها مبتسمة له)

هو: انا باحبك.

هي: (تنظر له نظرة طويلة جدا، ومعبرة جدا، ومليئة بالحنية والدلع والقلق، كل منهما يخاف على الآخر، جدا).

***

شهر لا يحدث فيه شيء مهم. هو يسير بجانب هي، الشك يقتله.

هو: انا كنت عاوز اسألك عن حاجة؟

هي: )تومئ برأسها مبتسمة له)

هو: انا كنت قلتلك حاجة من شهر تقريبا، هو انتي كنتي سامعاني؟

هي: حاجة ايه؟

هو: انا باحبك.

هي: (تنظر له نفس النظرة، الطويلة جدا، المعبرة جدا، المليئة بالحنية والدلع والقلق جدا)

هو: (أصبح أكثر نضجا، ولا يريد أن يكرر تجربة الشهر الماضي) انتي سامعاني دلوقتي؟

هي: (تتسع ابتسامتها وهي تنظر له. عينيها حلوة بالمناسبة)

هو: "يشخر في سره"

***

على المسنجر.

هو: أنا كنت قلتلك من شهر تقريبن إني بحبك. بس انتي كنتي حاطة الإم بي ثري. وعلشان هذا أنا معرفتش اذا كنتي سمعتيني ولا لأة.

هي: (سايند أوت)

بعد نصف ساعة.

هي: (سايند إن)

هي: سوري الجهاز فصل فجأة.

هو: طب انا هبعتلك اللي قلته كابي وبيست

هي: la2 wenabi. Ektebo tani bas frnko arab

هو: ana 2ltlk mn shhrin eni ba7ebek. Hwa enti knti sm3ani?

هي: msh fahma. Eni a?

هو: انا اقصد اني باحبك.

هي: بس باحبك مش بتتكتب كدا.

هو: امال ازاي؟

هي:Ba7bk

هو: leh?

هي: keda. l2n el3rbi mfish fih E

هو: yeb2a kda mesh bttktb keda. Bttktb kda

هي: انا مش فاهماك خالص. يعني ايه يبقى كدا مش بتتكتب كدا. بتتكتب كدا؟

هو: (خيبة أمل) ماهو العربي مافيش فيه إي.

هي: العربي مفيش فيه إيه؟

هو: إي.

هي: E?

هو: ah E

هي: آه إي. يعني إيه آه إي

هو: a ah e?

هي: ah

هو: ya3ni a?

هي: a elli ya3ni a?

هو: ya3ni a a ah e?

هي: enta bttria2 3lia?

هو: la2. ana bs2al

هي: ana 6al3a delw2t. w law sm7t mtb2ash ttri2 3lia tani

هي: (سايند أوت)

هو: (سايند أوت)

كانت هذه قصة قصيرة، ولكنها معبرة، تشرح كيف تدمر الإم بي ثريهات، والفرانكو أراب، حياتنا، وكيف تعطلنا عن أن نقول لبعضها كلمات حلوة في الفالانتين داي.

13 comments:

mary victor said...

الصراحة البت دى غبية و خنيقة
وكويس انها مفهمتش
مفروض هو يرجع فى كلامه

Azza Moghazy said...

ههههههههههههههههههههه
هيهيهيهيييييييييييييييي
هوهوهوهووووووووووووووووه
نياهاهاهاهاهاهاهااااااااااااااى

هخلص ضحك واجى اعلق
اه يا قلبى
هاهاهاهاهاهاهاهاهاهاهاهاهاهاا

karakib said...

bas keda ma tetkebsh la keda wal kda wala 7ata kida !! ttketeb kdda !! nas a3'bya awy

بيسان said...

تقريبن متتكتبش كدا
تتكتب كده
تقريبا

overdose said...

;كويس انه مقلهاش

wa 2n lays 7ayn mn lam yo7b

كان زمنها شحورته

is_is_ib said...

الاخ الفنان الفيلسوف الروائي المحلل الناقد نائل الطوخي يسعدني بل يشرفني ان ارسل لك كل تحياتي و تمنياتي بالجلوس معك لاني منذ قرات مدوناتك و انا رسمت لك صوره عظيمه و اعرف انك اعظم منها و اشكرك لان كتاباتك قريبه من القلب و العقل و الواقع و شكرا

kareem azmy said...

رائع جدا

تحياتي لك

Happy Valentine's Day

Anonymous said...

وليه شخر في سره ؟

Anonymous said...

بيني وبينك كان لازم يشخر شخرة كبيرة في العلن مش في سره

دا رد علي الي بيسأل هو ليه شخر في سره

Anonymous said...

هو تعليقي الأول ، لكنها ليست الإطلالة الأولى لمدونتك

القصة بسيطة جدا ومعبرة جدا جدا جدا
أكثر من مليون خطبة عن جمال اللغة العربية ووجوب التحدث بها والانجراف الحضاري وما شابه

لكن دعني أقل - بصراحة - أن بعض الجمل ذات التركيب الشعبي التي تستخدمها أحيانا، تجرح أذني ، من مثل " شخر في سره " ، وأظنك تقدر كروائي على تناول ذات المعنى بمصطلحات أقل حدة

فقط هي ملاحظة بسيطة

نسيت أن أقول أنني أتابع باهتمام ما تكتبه في أخبار الأدب

دمت بنقاء

أسماء علي said...

هههههههههههههه
ههههههههههههههههههههه

معلش يا نائل دقيقة آخد نفسي بس

بص عنها ما سمعت و لا شافت
خليها مع الإم بي ثري أحسن
فالنتاين ايه و بتاع ايه
ماهو لو الناس كلها عاقلة زيي و بتقعد اليوم ده ف بيتها تلعب سوليتير ماكناش طلعت عنينا
:)))))

Anonymous said...

:D
مسخرة

Shaymaa El-seoudi

Anonymous said...

من بين كل صنوف التعبيرات القشيبة لا اجد ما اقول سوى : يا خبر ابيض عليك و على سنينك.. جبار

مجدى الشافعى